Clube Virtual de Lectura

Declaración Universal dos Dereitos do Libro

2009-03-04T09:01:00.000-08:00

Artigo 1
Os libros, todos os libros, teñen dereito a existir.

Artigo 2
Os libros son iguais entre eles, sen distinción da súa orixe, fortuna, nacemento, opinión ou editor.

Artigo 3
Todo libro ten dereito á vida, á súa comercialización, á sorte de ser exposto ao lector e ofrecer ao seu autor a posibilidade de ser escoitado e remunerado con xustiza.

Artigo 4
Todos son ituais ante a lei que os somete a igualdade de prezo en calquera lugar onde sexan expostos.

Artigo 5
Todos teñen dereito a que en todos os lugares se recoñeza a súa personalidade, a personalidade do autor e do editor.

Artigo 6
O libro, obra de imaxinación coma de investigación, diríxese á imaxinación coma ás necesidades do ser humano. Así que non debe ser tratado na súa comercialización como un produto simplemente de consumo.

Artigo 7
O libro é será garante das nosas liberdades. Non pode en ningún caso ser sometido a aversión sexa polo plantexamento das súas ideas como pola súa misión fundamental de promover o libre intercambio das culturas, as mentalidades e os saberes.

Artigo 8
O libro, portavoz do espírito, da ciencia, de praceres, rexistro do saber, así como obra de creación, debe ser tratado coma un ben indispensable para a cultura, a promoción social e espiritual, a información, e non pode ser tratado como un vulgar obxecto de proveito.

Herba Moura de Teresa Moure

2008-11-22T02:05:00.000-08:00

Herba Moura de Teresa Moure o novo libro elexido para comentar no Clube Virtual de Lectura Lúa Chea.

Aqui deixámovos algunhas ligazóns que poden axudarvos como guía de lectura:

Herba Moura

Teresa Moure na Wikipedia

Reportaxe na Voz de Galicia

Propostas para o novo libro a comentar

2008-11-08T04:40:00.000-08:00

¿Qué libro vos gostaría elixir para comentar na próxima quenda?

Esperamos os vosos comentarios ...

Preguntas "As Cinzas de Ánxela"

2008-10-19T03:44:00.000-07:00

¿Como a través da voz e perspectiva dunha crianza, McCourt mantén co lector ese espazo de realidade e credibilidade?

¿Cal é a actitude de Frank cara a figura da Igrexa?

¿Como esta representada a figura da muller ao longo da obra?

¿É As Cinzas de Ánxela unha tráxica historia?

¿É a música irlandesa unha parexa indespensable para entender a localización xeográfica da obra?

Deixa os teus comentarios do libro

"Las Cenizas de Ángela" novo libro do Clube

2008-09-17T11:52:00.000-07:00

"Las Cenizas de Ángela" nova quenda do Clube Virtual do Libro

"Las Cenizas de Ángela" de Frank McCourt é o novo libro a comentar do CVL.Publicado en 1996 e obtivo o Premio Pulitzer. Deixámovos aquí algunhas referencias en internet sobre Frank McCourt e o libro.

Wikipedia

Frank McCourt Biography

Angela's Ashes (trailer)

A quenda farase o vindeiro Martes 21 de Outubro ás 8 da tarde.

Aplázase a xuntanza do Clube

2008-09-09T02:11:00.000-07:00

Boas a todos,

Sentímolo unha vez máis, pero o Clube Virtual de Lectura, aplázase ata o vindeiro día 15.

Un saúdo a tod@s.

Resumo: A Memoria do Boi

2008-09-04T08:51:00.001-07:00

A MEMORIA DO BOI

Manuel de Quintans senta a carón de Boi Rubio e fala só. As pernas de Adriana Lebodeiro son un punto de referencia. Lusinda recoñece á xente polo bater das súas solas no chan. O Señorito Lucrecio ten un escano en Madrid. A Don Cenoira érguenlle unha estatua. A cultísima Ludmila Salgado bota as cartas nun salón de moitísimo segredo. Manín é sobriño-neto de Don Cenoira. Boapedre é un lugar singular cheo de persoas-personaxes singulares e Boi Rubio ten memoria para todos.

A memoria do Boi

2008-07-31T04:19:00.000-07:00

Edicións Xerais.

A memoria do Boi. Xosé Vázquez Pintor

Wikipedia.

Xosé Vázquez Pintor

Resumo

2008-07-21T12:52:00.000-07:00

Parabéns.-

- Novela ben construída, con personaxes sólidos que rematamos coñecendo ben. Cremos que neste punto supera a novela de Rivas, O lapis do Carpinteiro, obxecto da reunión anterior).

- Toca temas moi variados que resultan atractivos.

- As personaxes non permanecen estáticas senón que medran e evolucionan (Susana deixa de ser una nena caprichosa para converterse nunha muller máis madura e máis humana).

- Suso de Toro fai un bo traballo de sociólogo, reflexando temas como o sentimento de inferioridade dos galegos, os sentimentos ante a emigración, o desvalorizar o propio e darlle excesivo valor ó alleo.

- A novela reflexa unha situación social moi real, os madrileños con casas en Galicia e ese clasismo que fai que se sintan superiores e os galegos inferiores.

- Especialmente fermoso é comprobar como se complementan as personaxes (Susana-Manuel; Paula- Miguel).

- Novela interesante e recomendable.

Críticas.-

- Excesivamente minuciosa nas descripcións.

- Falta de orixinalidade no tema da mafia. Igual o incesto (tema morboso e que se ve vir).

- Pouco aproveitada a localización da novela.

- Fáltalle un chisco de poesía (a diferencia de O lapis do carpinteiro).

Próxima quenda: A memoria do boi de Vázquez Pintor.

8 de setembro ás 8 da tarde.

Aplazamento do Clube Virtual do Libro

2008-07-14T07:12:00.000-07:00

Debido a que a maioría dos participantes deste espazo non deron rematado o seu libro a tempo. Imolo prorrogar unha semana máis, quedando aplazado para o vindeiro luns 21 de xullo.

De tódalas maneiras queda aberto o chat para todos aqueles que desexen participar hoxe. Un saúdo.

Suso de Toro

2008-06-30T15:10:00.000-07:00

Interesante PDF sobre a biografía de Suso de Toro http://toulouse.cervantes.es/imagenes/file/biblioteca/autores/suso%20de%20toro.pdf

Suso de Toro en dúas tertulias http://bvg.udc.es/ficha_autor.jsp?id=XesToro&alias=&solapa=novidades

1ª Participación do Clube Virtual de Lectura

2008-06-30T14:43:00.000-07:00

Hoxe as seis da tarde realizouse o primeiro experimento do Clube Virtual de Lectura Lúa Chea. A participación foi reducida 4 compoñentes participaron durante case dúas horas dunha amena charla no chat sobre o libro "O lapis do Carpinteiro" de Manuel Rivas.

O próximo libro a ler é "Calzados Lola" de Suso de Toro. A nova quenda será o luns 14 de xulio ás 18.00 no chat do blogue. Sen esquecer as preguntas guía que serán colgadas no blogue nos próximos dias.

Grazas a aqueles que participaron no dia de hoxe. Intentaremos que o índice de participación sexa maior na próxima quenda

Confirma a túa participación

2008-06-28T12:44:00.000-07:00

Xa temos confirmado unha ducia de persoas que participarán mañá no Clube Virtual de Lectura Lúa Chea. Xa está activo o Chat que o atoparedes ó final desta páxina. O Chat é o lugar de encontro do Clube. Sen esquecer os espazos físicos desde Betanzos e Santiago de Compostela. Esperámovos a todos o dia 30.

5ª Pregunta

2008-06-17T08:23:00.000-07:00

¿Paréceche María Adanez e Tristán Ulloa os actores axeitados para interpretar a versión cinematográfica de "O lapis do carpinteiro"?

4ª Pregunta

2008-06-17T08:22:00.000-07:00

¿É posibel desenrolar un tema coma a Guerra Civil Española dun xeito totalmente obxetivo?

3ª Pregunta

2008-06-17T08:20:00.001-07:00

¿Non crees que a historia de amor dos personaxes principais recorda a outras xa lidas?

2ª Pregunta

2008-06-17T08:19:00.000-07:00

¿Con cal dos personaxes da novela te identificas máis?

1ª Pregunta

2008-06-17T08:10:00.000-07:00

¿Crees que os personaxes están debidamente descritos no marco histórico onde se desenrola o ámbito da novela?

Encontros Lúa Chea

2008-06-17T06:21:00.000-07:00

Debido a non confirmación física ó Clube Virtual de Lectura vese na obriga de aplazalo evento para o vindeiro luns dia 30 de xuño. Aínda que hoxe abrirase virtualmente as seis da tarde o chat para aquelas persoas que queiran comentar o libro na rede. A hora é as 18.00 da tarde.

Sentimos as molestias

12 lúas . Comité organizador.

Biografía de Manuel Rivas

2008-06-15T07:54:00.000-07:00

A biografía de Manuel Rivas podédela ler na seguinte ligazón http://bvg.udc.es/ficha_autor.jsp?id=ManRivas&alias=Manuel+Rivas&solapa=biografia
Aqui atoparedes unha breve descripción do seu traballo literario coma un listados das súas obras.

Tedes outra reseña biográfica na web da Editorial Xerais http://www.xerais.es/cgi-bin/html_generados/aut_ilus_200735_44.pl

Acompáñovos a súa website, na que nos ensina a súa vea poética http://www.manuelrivas.org/

Café Lanzós e M*Café e Copas

2008-06-14T04:23:00.000-07:00

Dous locais, o Café Lanzós desde Betanzos e M* Café e Copas desde Compostela participan no Clube Virtual de Lectura ofrecéndonos o seu espacio e o seu apoio neste novo proxecto do Colectivo 12 lúas. Podes atopar máis información nas ligazóns que proporcionamos no blog, tanto da súa ubicación coma do seu aspecto físico.

O Clube Virtual de Lectura Lúa Chea xa conta co seu CHAT para o día 17 de xuño

2008-06-10T19:32:00.000-07:00

O Clube Virtual de Lectura Lúa Chea xa conta co seu CHAT para o vindeiro 17 de xuño. Data de partida do Clube na cal os internautas poderán interactuar co resto dos participantes e grupos do Clube Virtual Lúa Chea. http://gabbly.com/12luas.blogspot.com

Diferencias con outros Clubes de Lectura

2008-06-04T15:36:00.000-07:00

Unha das principais diferencias deste Clube Virtual de Lectura Lúa Chea, e que un dia o mes haberá unha xuntaza física ó redor da xeografía galega de aquela xente que desexe xuntarse para discutila obra e o mesmo tempo estarán conectados ó foro do web para interectuar co resto da xente por Internet e o resto dos grupos do Clube Virtual de Lectura Lúa Chea. Para isto utilizaranse as ferramentas de internet coma messenger, skype, o chat de gmail, os foros e os blogs de cadanseu grupo.

Ista é a novidade co resto dos Clubes, interactuar de diferentes maneiras despois de ler un libro. Tanto en persoa, cun grupo de amigos, tanto nas bibliotecas, coma nunha cafetería. Como a través da rede con outros grupos e persoas.

O principal obxetivo do Clube Virtual de Lectura Lúa Chea é levar a lectura a tódolos ámbitos mesturando as novas tecnoloxías coa lectura persoal, sen esquezar que a literatura é un medio de comunicación de ideas, pensamentos, movementos sociais e políticos, cambios históricos, etc. Os cales teñen que ser debatidos pola Sociedade sen olvidar interactuar e falar entre todos nós e sen reducir todo á tecnoloxía. A tecnoloxía é unha ferramenta complementaria ó noso traballo, e non unha ferramenta que subtitúe as outras, como pode ser as relacións físicas persoais.

Clube Virtual de Lectura Lúa Chea

2008-06-04T12:26:00.000-07:00

O vindeiro 17 de xuño, e como unha nova iniciativa da plataforma 12 lúas, comeza o Clube Virtual de Lectura Lúa Cheas do cal xa podedes descargar o documento en PDF sobre os seus obxetivos. O primeiro libro a tratar será "O lapis do Carpinteiro" de Manolo Rivas.

Sobre o cal faremos unha ficha bibliográfica, repaso da súa obra, a creación dun foro de discusión, visita a algunha das webs máis relevantes sobre o autor, etc.

Espero que participedes e vos divertades nesta nova iniciativa de 12 lúas e o ámbito literario.

12 lúas